... dann bin ich dran mit aufpassen heute Nacht !

smiel, bin eh noch da.....
reich mir einen holzhammer, vllt klappt es dann mit schlafen

Na na, an holzhammer kriagst du net! I loss do net mei liabe swift zerstörn! do sing i da liaba a schlofliad - oba ob des a ondere wirkung hot ols da holzhomma was i leida net........... do gehst bessa ohne hülfsmittel schlofn, unsa bärli passt eh auf dass nix passiert!

nojo, des schlofliadl hätt i scho gern ghert. vllt hätt i daun besser gschlofn, oba des kima am freitog jo probiern, smile

wos hättst denn gern für ans? i konn jo eigentlich gor kans i glaub des loss ma besser am freitag!

do miass ma uns wos onders einfolln lossn damit du endlich wieda amoi gscheit schlofn konnst!

smile , no schauma amoi , irgandwos wird usn schon einfoin . zur not leg i mi hoit zu dir auf de couch , grins

mei - mir is voi fad!!!
mog do kana wos schreim??
halloooooooooo
da kronkstandlerin ist faaaaaaaaaaaaaaad

i schreib scho ...

nojo vü wor des oba ned

iatz woass i nit, ob du no do bisch, oba i schreib trotzdeim wieder amol eina. i hun grod g'lesn, wos olls los isch bei dir und deis g'freit mi gor nit. wenn i lei eppes mochen kannt. des oanzige, wos i do tian kunn, isch fir a bissl an oblenkung zu sorgn. und desholb derzel i da, dass i an dem wochnend keksln backn hob. siebn sortn seins worn, oba vun jeder sortn lei an holbn teig. weil viele sein ma jo nit, dahoam, zin essn. oba schian seins worn: sterndln, kugelen, holbmond, olle g'schmacksrichtungen. dunkle, helle, olle do. do hun i a rechte freid g'hobt. nacha wollt i rodln gian, geschtern auf nocht: bin aui g'fohrn zum parkplotz, do wo da weg eigentlich losgeaht: und wos sig i??? olls zappenduschter. koa liacht. dunkl. hom de deppn vun der hittn nit offn g'hobt. mei, hob i g'fluacht! jo. nochernd bin i holt wieder hoam g'fohrn. nix isch g'weisn mim rodln. und letschte nocht hots g'reignt bis in die höh', jetz isch deis bissl schnea, des es g'hobt hot, aa nu weg. jo mie, jetzt hoasst's holt wieder wortn, bis a neicher kimmt...a bissl an oblenkung wor mei g'schicht vielleicht, deis hoff i holt. i druck di fescht und winsch da an schian obnd. enk olle. eigentlich. pfiatenk!

jo maruja ,des wor oblenkung. donk da recht sakrisch.
jo und de deppn va da hittn , oiso dos is echt a org gemein. gabs amoi an schnee udn daun haum de nid offn.

keksal , warn jetz eh guat, kunst jo a ans umagebn!! a dunkls!!

wünsch eich a ollan a gute nocht und schen tram

Jo a so a keksal hätt i a gern!! oba i nehmat donn a helles! i hob jo scho fost ongst ghobt dass de maruja doch no von de schweindaln dawischt worn is - dabei hots nur keks gebockn.

winsch eich a olle a gute nocht!
(i hoff heit gehts ohne holzhomma liabe swift)

ned gonz, grins
des keksal wor a zweng hort.

oiso donn kriagst in zukunft kane kekserl mehr!! i bring da donn om fr an babybrei mit - do konn nix passiern!

grins , hob mi eh grod mit gsundn zeugs eideckt. moi schaun , obs des bringt?

außadem wor i heit scho sehr produktiv. jojo
monche telefonate hätt i lossn soin,wa gscheita gwesn,echt monche ärzte san des letzte.......

jo oba gott sei donk ned olle-
infusion hob i kriagt , werd i de nächsten tog a nu kriagn , jo und in der apo hob i a vü göd lossn , mein tcm orzt hob i ongruafn , do kriag i a wos und nm daun nu amoi an orzttermin. oiso heit bin i echt brav .jojo
und es ois mti dem wenigen schlof der letztn tog. monchmoi frog i mi echt, wie long des nu so geht.
oba scheinbor bin i eh hort im nehma.

söbst wonn man heit des erste tel die tränen in de augen triebn hot und daun hob i ma doch, na und jetzt erst recht net , so a funsn . ( ärztin) regt se auf, weil i sie am tel wos gfrogt hot, wos für sie oba a wichtig wa und hot mi glei amoi ons kh verwiesen. oba in ana ort und weise de echt ois ondere ois okay wor! tschüdigung , oba do kriag i jetz nu so a wut , waun i üba des tel nochdenk. nu dazua is des a ärztin die ma eh söba zoihn muass! mein gonzes weihnachtsgöd geht es wieda amoi fia mei blede kronkheit drauf und daun kumst zu so ana , des ned amoi der mühe wert find, normal mit an zum redn. oba vllt hob i des braucht, weil jetzt bin i wieda aufs kämpfen auf! bevor i ned mit an fuaß im grob steh, geh i ned ins kh und i hob schon des öfteren problematische situationen gmeistert. oiso, vögas - vergiss de ärzte - söbst is des frau!! zumindest de ärztin wird mi nimma segn .
de gurkn de blede!!!

so donksche des hob i jetzt braucht!!